deepundergroundpoetry.com
Mass Earnis Ah Mass Ruben
(Patois)
Mass Earnis ave wah son niem Den Den, ah Mass Ruben ave wah son niem Jakes. Di two bwoy dem did a pliay wang giem dung di ruod, an Den Den gi Jakes a rass lick wid a pisa tik. Wen Jakes guh uom, eeh tell eeh puppa seh Den Den lick im inna eeh fies wid wan tik.
Mass Ruben seh, “Kom mi bwoy, mia goh mek yuh lick back Den Den widdi tik.” Wen Mass Ruben an im son reech a Mass Earnis yawd, dem si Den Den sidung pah wah big stuon. Mass Ruben seh tu im seh, “Den Den, weh mek yuh lick Jakes inna eeh fies widdi tik?” Den Den seh, “Mi neva mein fi lick im. A ramp wi did a ramp. Mi swing di tik ahfa im, an y kech im inna eeh fies, sah.”
Mass Ruben seh, “Yuh neva affi swing di tik soh aad.” Afta dat im seh, “Bwoy, tek da pisa tik ya ah lick back Den Den inna im bombo claat!” Jakes tek di pisa tik fran eeh puppa an tan up uova Den Den, but im neva lick im. Mass Ruben get bex ah seh, “Jakes, yuh fried fi lick di bwoy inna im bombo claat?”
Siem time, Mass Earnis ier dem a taak outa duo, an im kum outa di ouse. Im seh tu Mass Ruben seh, “Mass Ruben, Yaw big man yuh nuh sah. Wa kina foolinish dat yaw tell di bwoy fi du? Yuh nuh ier im seh a ramp dem did a ramp?”
Mass Ruben did a wah dawk ah illitaret man, soh im neva wah fi ier nuttn frah Mass Earnis. Im seh, “Fi yuh bwoy lick fimi bwoy, but yuh noh wah fimi bwoy fi lick back fi yuh bwoy. Dat cyah wok a rass, sah.”
Jakes did still ave di pisa tik inna eeh han, soh Mass Ruben seh, “Bwoy, nuh badda lick Den Den, lick Mass Earnis inna im bombo claat!” Jakes tan up in front a di big man ana luk pan im. Mass Ruben seh, “Bwoy, yuh nuh ier mi seh yuh fi lick Mass Earnis inna im bombo claat!”
Jakes neva lick Mass Earnis wid di pisa tik, soh Mass Ruben seh, “Wat a bwoy dyam foo-fool! If a did mi, a udda gi Mass Earnis a bombo claat lick inna eeh hugly fies.” Mass Earnis seh, “Y luk like yaw get ahfa yuh ed, sah.” Afta dat, Mass Ruben seh, “Ahrite, kom mi bwoy; mek wi guh uom. If Den Den eva lick yuh agyen, lick im back inna im bombo claat!”
The End
Mass Earnis ave wah son niem Den Den, ah Mass Ruben ave wah son niem Jakes. Di two bwoy dem did a pliay wang giem dung di ruod, an Den Den gi Jakes a rass lick wid a pisa tik. Wen Jakes guh uom, eeh tell eeh puppa seh Den Den lick im inna eeh fies wid wan tik.
Mass Ruben seh, “Kom mi bwoy, mia goh mek yuh lick back Den Den widdi tik.” Wen Mass Ruben an im son reech a Mass Earnis yawd, dem si Den Den sidung pah wah big stuon. Mass Ruben seh tu im seh, “Den Den, weh mek yuh lick Jakes inna eeh fies widdi tik?” Den Den seh, “Mi neva mein fi lick im. A ramp wi did a ramp. Mi swing di tik ahfa im, an y kech im inna eeh fies, sah.”
Mass Ruben seh, “Yuh neva affi swing di tik soh aad.” Afta dat im seh, “Bwoy, tek da pisa tik ya ah lick back Den Den inna im bombo claat!” Jakes tek di pisa tik fran eeh puppa an tan up uova Den Den, but im neva lick im. Mass Ruben get bex ah seh, “Jakes, yuh fried fi lick di bwoy inna im bombo claat?”
Siem time, Mass Earnis ier dem a taak outa duo, an im kum outa di ouse. Im seh tu Mass Ruben seh, “Mass Ruben, Yaw big man yuh nuh sah. Wa kina foolinish dat yaw tell di bwoy fi du? Yuh nuh ier im seh a ramp dem did a ramp?”
Mass Ruben did a wah dawk ah illitaret man, soh im neva wah fi ier nuttn frah Mass Earnis. Im seh, “Fi yuh bwoy lick fimi bwoy, but yuh noh wah fimi bwoy fi lick back fi yuh bwoy. Dat cyah wok a rass, sah.”
Jakes did still ave di pisa tik inna eeh han, soh Mass Ruben seh, “Bwoy, nuh badda lick Den Den, lick Mass Earnis inna im bombo claat!” Jakes tan up in front a di big man ana luk pan im. Mass Ruben seh, “Bwoy, yuh nuh ier mi seh yuh fi lick Mass Earnis inna im bombo claat!”
Jakes neva lick Mass Earnis wid di pisa tik, soh Mass Ruben seh, “Wat a bwoy dyam foo-fool! If a did mi, a udda gi Mass Earnis a bombo claat lick inna eeh hugly fies.” Mass Earnis seh, “Y luk like yaw get ahfa yuh ed, sah.” Afta dat, Mass Ruben seh, “Ahrite, kom mi bwoy; mek wi guh uom. If Den Den eva lick yuh agyen, lick im back inna im bombo claat!”
The End
Published 5th Mar 2025
| Edited 10th Mar 2025
Author's Note
Enjoy the reading.
All writing remains the property of the author. Don't use it for any purpose without their permission.
likes 0
reading list entries 0
comments 0
reads 75
Commenting Preference:
The author encourages honest critique.
