Like a bull in a China shope.

"I'm truly sorry man's dominion  
Has broken Nature's social union,"-Robert Burns.  
****  
 
Copernicus showed we irnae the centre ae the univ'rse  
,sorry tae tak the swell oot ae yer purse.  
Darwin screivin sae we wid see  
,we irnae it the tope ae the tree.  
Aw else hus tellt ,  
wir bit sma empty notches oan an epic belt.  
 
 Aye grawin, society's kyte wioot a dowp  
dunt doon hale wuids,Lochs drainit an fair left us in a cowp.  
We cannae cairry oan the wey we dae,  
Guzzle oor civilizations scran an slitter  
attery keech aroon like glitter.  
 
Burns,seas an mountins, caw fer eident response  
whae wi canny cadence kin act as nature's sconce?...  
We cannae tak time tae swither and dither  
,we ither cairry oan iz we ir or chose oursels a path anither.  
if nuhin kin thirl our seiven nations whin aw is agley  
,thin whit mair iz thir we kin dae whun eirth ails sae badly?  
 
The West spaks a guid deal  
bit cannae git ower itsel  
tae see in it's ane een, the big speal.  
Insteid ae bein quick tae clype  
we shid try tae cultivate oor ane gairden  
an hae nae ilk wi bumbased gype.  
 
In industrial blether, we skyte an follae  
hurded like sheep bi Capitalism's collie.  
we hae impetuous tae seek reunion wi the mither  
find oot ,settle the doot ae, how tae live thegither.  
Gif mechanry wis chored by Prometheus  
we shairly  need tae chore a sheave  
ae paradise anaw tae drap lown sichts aboot us.  
 
***  
 
Glossary:  
attery=poisonous.  
Tope= top.Spelling used since 14th century.
Kyte=belly or stomach.  
Cowp=mess,tip.  
Sconce=Guard.  
wuids=woods.  
dunt=knock or blow.  
Speil,Spiel,Spale,Spail,Speal=splinter  
sheave=slice  
chore=steal.  
een=eye.  
anaw=as well.  
gype=foolish,stupid(esp person)  
eident=urgent,conscientious.  
skyte=rush,dart,move quickly.  
follae=follow.  
drap=drop.  
lown=calm,placid,serene.  
sichts=sights  
aboot=about.  
haugh=low lying meadow.