saXxy

“Every time I play my saxophone, I rediscover    
a part of myself.”—Grover Washington, Jr    
   
                                        him used to blow di blouse an skirt off girls    
          who come dung in dem fancy suits an curls    
          fi listen him play thorny saxophone    
                                        an then beg fi go home wid him alone.    
   
                                        di blinkin light dem spook di discotheque,    
          casting grim shadows pon di upper deck    
          paintin gyratin hips wid sexy beat    
                                        like phantoms dat could not keep off dem feet.    
   
                                        him lie dung pon him back an kiss di horn    
          like when a baby set up to be born    
          di first day when di mumma kiss di dad    
                                        an merge conception pon di launchin pad.    
   
                                        him used to blow di daylights out of fame    
          fi serenade di nimble an di lame,    
          but neva stop fi ponder bout di time    
                                        when saxxy charm would not bring home a dime.    
   
                                        him instrument can’t woo no one no more,    
          him broken reed crestfallen pon di floor:    
          to flatulate di face of temperance    
                                        meck life look like a blinkin sightless glance.    
   
© Copyright 2024 September 30    
by Clyve A. Bowen♫