Conflicted.

 
If ah went hame it widnae be the same
ah widnae huv what ah do now
ah'd huv tae build fae scratch an ah'm no shaire how.

Inside ah feel torn asunder
coming doon wisnae a blunder.
Still ah miss it and want tae go back
but what ah have here is class
and ah want it tae last.

Ah came wi a bag e claes
and noo ah'm made ways
foond a joab and made guid friends
ah dinnae want aw e that tae end.

But like ah said a feel torn in twa
ma culture feels afar and the maire a see it fae a distant
the maire a hink it's braw.
See here ah'm under social pressure
tae drop ma scots and speak the wiey yous dae
but ah jist dinnae want tae,Ah willnae be able tae copy the soonds you say.

Neither Burns nor chewin the fat gits a mention
ah dinnae want tae leave aw that ,till ah'm auld aged an drawin ma pension.
Ah'd like tae be in ma auld haunts and oot oan the randan
but tae just leave aw ah'm yast tae wid be fuckin shan.

How kin a solve this split in ma heid?
A dey ken!
ah'm leaving it tae how it is and hopin tae go one day
till then ah'll dream e the ideas e the brae
the thistle, Nessie,Lochs, 'och' soonds and aw e that.
Ma left and right fit dinnae ken where they aim.
But ma hert telt thaim
-it must eventually be hame!