Ek het my siel aan die liggies verkoop

Ek verloor myself in die liggies,
want daar is so baie en jy kan jou siel deur almal van hulle sien
maar soos ek deur die liggies vir my siel probeer soek
besef ek dat ek myself oorgegee het aan ‘n plek en kultuur wat my nooit sal ontleed nie,
‘n plek wat my nie verstaan nie. En tussen al die liggies deur soek ek nogsteeds my hart,
maar al wat na my terug kyk is hope vrae sonder antwoorde.
So ek kyk na jou
liggies
en dan vra ek weer,
Aan hoeveel mense moet ek my siel ontbloot voor jy helderder sal
skyn?