WARAMUTSE

Ndamutse ndamutsa uwandamukije
Kumunsi utagira uko usa ubwo uwandemye
Yishimye abonye ubuzima butongoye
Butaratse imitana y’ubwiza butagereranywa
Ubwo yampaye k’ubuntu isura yumukomokaho
Nkagira agaciro mu bikorwa yiremeye
Kuko yandemye mu ishusho ye itagira uko isa.

Nigira uko isa koko! Iyo mbadutse mu busaswa
Nkubura amaso nezererwa no gukoma yombi
Ngondamutse nyakuberwa n’ibisingizo n’ishimwe
Nyagusingizwa nyakuratwa nyagukuzwa, nyagusengwa!
Nyirigira nezwa no kuguhanga amaso mu museke
Nutongore kuko arimwebwe mwabishatse
Ngodutere intambwe dukereye kwakira ugushaka kwawe.

Reka mutumbirire murangamire we uhora atwitayeho
Reka muramutse we wemeye ko nongera kwegura umutwe
Reka twishime tunezerwe yo ihoraho ituramutsa kuko turabayo.

Reba ubwenge yaduhaye, ubushishozi budushoboza
Reba ikiza n’ikibi kiri imbere yanjye (yawe)
Reba umutima nama umurikirwa na Roho mutagatifu
Reba umutima mubi ukoreshwa na Roho mbi
Reba iyakuremye ikaguha ubuzima ikaguhunda ubutoneshwe.

Uhoraho, muri uyu museke utambitse dutambutse
Uhoraho, turengere, kuko ntacyo twakishoboza
Uhoraho, uhorana impuhwe n’urukundo tugirire impuhwe; duhe urukundo rwawe
Nyagasani Yezu Kristu mukiza wacu, dukize icyaha, dukize umubisha turakwiringiye
Roho mutagatifu; muyobozi muhoza duturemo maze udukoreremo nda (turagushaka)
Mawe mubyeyi wacu, ntudutererane komeze uduhakirwe; turebere!