Rest guid, Nou yer deid( Memento Mori)

   Sandy, a better dug Ah never had
  Yer pain sae intense, yer suffering sae bad
tae let ye go, made us aw sae sad
  a hard choice indeed
  at peace an sae we aw feel glad
  rest guid, nou yer deid.

  Ginger cat Sam Delina-By-The-Way
  whae's gentleness taen awey aw cares ay the day
   an wid climb oan yer screivin pad nae maitter what ye'd say
   Death is a hungry mooth that aye needs tae feed
   sae taen yer sweet sel in the month ay may
  Rest guid,  nou yer deid.

  Auld pal Josh the cat torn in natures jaws
by a dug whae like aw nature hud its flaws
Misery when savagery unsheathes its claws
poor beast, such a canny breed
 dee'd  wioot just cause
  Rest guid, nou yer deid.


  Dad, mortality comes tae aw whae wait
 it must eventually meet thum at the gate
  it's beyond our kennan the place or date
 Ah'm humbled cause ah'm fae you, Ah um yer seed
  gey weird the twists an turns ay 'fate'
 Rest guid, nou yer deid.

Yince ah widae said
Timor Mortis Conturbat me
yitt dyin' is juist yin ay they hings
it juist hus tae be
an iz well
nae maitter what oor story
it's gey smart tae
member
Memento Mori!